قصيدة *( صدقه جاريه)* الشاعر عاطف عمر

قصيدة ( صدقة جاريه )
الشاعر عاطف عمر

** يااااه ع النور..!!

** لما تساعد حد بجد يكون مقهور

** او تمسح على شعر يتيم يصبح مسرور.

** لما تشوف الفراحه فى عيون الايتام.لما تشوف الدمع مخلوط
ببتسام.اللحظه دى بتساوى كام.
شايف النور..

** لما تشوف الدنيا ربيع فى عيون الناس.لما تسدد دين عن حد وتجيب
له الوصل وتقول خلاص . لما الحق
يعيش مرفوع الراس منصور.

** لما بتبعد حد بجد عن قول الزور.

**لماتساعد حد يعيش دايما مستور.

** لما تلاقى حد جميل بيساعد الناس من ورا حائل من ورا سور.

** يااااااه ع النور.

بقلمى الشاعر عاطف عمر