*((شهداء سوريا))* قصيده رفعت خوري

شهداء سوريا (قصيدة)

لكل من اعتدى على بلدي رح قول:

يَلّي زرعتوا أرضكم بزهور
زرعتوا ضيعنا من صور شهداءها

بتسقو الورد من بير او مَيّة نهر
عنا الزهور بترتوي بدم الشهيد ومن دمع أيتامها

عمر الورد بدياركم كام ساعة أو كام يوم
عنا الورد أرواح وللأبد مشوارها

يلي سرقتوا بسمة الأطفال
مليتوا شوارع بلدتي بأمواتها

قتلتو الأمل بشبابها وشيوخها
دموع الأرامل عبَّدت ساحاتها

دمع اليتامى والأرامل يلتقي بشلال
يروي شجرها وتزدهر خيراتها

تربة بلادي مزرعة عز وإباء
بدم الشهيد بتنعجن أبطالها

ودلبة الضيعة اللي كانت شجرة الميلاد
ركعت لتحضن أرملة وأيتامها

هالشجرة يلي زينت راس السنة والكرنفال
صارت حزينة مزينة بشهداءها

وقوس النصر يلي على مدار السنة
زغردلضيعة وشاركا أفراحها

بليلة غدر أضحى جريح
عم يندب ويبكي شباب استشهدوا ع تلالها

أنتو حكام البوادي والصحارى والعهر
جيتوا لأرضي بالرمل عم تدفنوا آثارها

حجبتوا شمسها ال نورت كل الدني
هدمتوا منارتها ودبحتوا صغارها

بدعي لربي يرد عن أرضي الحقد
وترجع بلدنا معمرة وعم تقتتي بثمارها

رفعت خوري
إسبانيا