ارجع يا زمن الطيبه..... للشاعر ميثم عبدالله فتحي
إرجع يازمن للطيبه محتاجين
ياريتك تحس بالحال وتعود
إنقفل باب الحنان الجان مفتوح
ومن يوم الرحت لليوم مسدود
أحس ضاع الوفه والدنيا مو ذيج
وأحس كلشي حلو ماعاد موجود
وصار الحب مجرد كلمه تنكال
وسهل صار الدمع ينزل عالخدود
وعلاقة هالوكت صارت مصالح
وقل حتى السلام وصار محدود
ياريحة اهلنا إلك حنيت
يالما تشبهك كل هاي الورود
عودي ياليالي الخير والطيب
تعبنه بغيبتك والحيل مهدود ميثم عبد الله فتحي
تعليقات
إرسال تعليق