رحله للماضي بضيعتنا .... للشاعر رفعت خوري
رحلة للماضي بضيعتنا
جزء سابع
هلأ رح أحكي ياناس
عن ماضي الصنعة بضيعتنا
عن حلاَّق وكندرجي
عن أستاذ ومعمرجي
عن خياط وخضرجي
وعن طاحونة حنطتنا
******
الحلاقين الأصليين
عيلة قسطون المشهورة
عيسى وخرفان الجنورة
كاثر محمود وكمال
كانوا مدعى للفخرية
كانوا عنوان المهنية
زباينهم من كل الناس
زواريب الضيعة وقصورا
يلي ساكن بالخمونة
أو عم يفلح بالبرية
التسعيرة للخواجا
وللفقرا كانت سوية
نص ليرة كانت كافية
كاثر نكتة وتزويعات
لولاد كفرا الأبية
تطبيشة فوق الرقبات
وروح عمي هيدي هدية
الطاحون
الطاحونة وعمي رشاد
للبرغل والحنطايات
خدم الضيعة بحنية
المدارس
جنب الدلبة ياأحباب
ابتدائية للبنات
كان فيها تلَّت معلمات
إكليليا ست الستات
التانية مابذكر مين
المديرة كلير الراقية
كنا نحترم الأستاذ
والإدارة قوية
الثانوية للصبيان
كانت بالحارة العالِّية
أسما مدرسة التجهيز
مشهورة بأرضي السورية
راقية ونظامية
مدخلها دير الرهبات
بالطلعة عند الصبحية
وبالنزلة عند الضهرية
يتلاقى جنبا الأحباب
ويشوف الشب الصبية
رفيقي عيسى ابن فلان
عاشق مغروم وولهان
يوقف بالأرض العالية
يبصبص عالباحة بشهية
ليشوف البنت المعنيِّة
ينسى الدفتر والطبشور
والحصص المدرسية
ولما بعدا يكون مطرود
يداوم بالأرض العالية
خياطين
إجا دور الخياطين
بالضيعة كان عنا تنين
رامز مع جدي واكين
رامز للموضة الغربية
أجمل تصميم وحرفية
واكين للموضة العربية
يعني الشروال والبوشية
وردت عَ فكري قصة
واكين قاعد عالماكينة
طربوشو عَ راسو زينة
نزلت تحتو الأرضية
حتى الأرواق السفلية
ضلو جالس بالمكان
إنقاذو طرفة وعنوان
ضل بصحة وحيوية
ماوقعت منو الطاقية
شوية غبرا عالصدرية
الكندرجية
الكندرجية ب ضيعتنا
أعلام وذكرى بزمتنا
العم سليمان المنيرة
مع بوشامة أحلى سيرة
اختص بصباط البرية
وتخصص عمي سليمان
بتفصيل الموضة الغربية
رفعت خوري
إسبانيا
تعليقات
إرسال تعليق