حبيبتي..... بقلم الشاعر// عثمان عبد العزيز
حبيبتي .....
~~~~~~~~~~~~~~~~~~~
معاكي
بنسي العالم. كل العالم
بنسي نفسي
ببقي مسالم ببقي مسامح
بحس بهمسي
بعلن سري
وياكي
بنسي حياتي. بنسي ذكرياتي
كل اللي فات
ومر
كل شئ حلو
. ومر
لأنك عمري
في هواكي
مش بايدي. ده غصب عني
هواكي يبقي
نصيبي
مهما تبعدي. عني وتغيبي
همسك في بعدك
حبيبي
بيطفي في قربك
لهيبي
لأنك قدري
في لقاكي
بحسك نسمه احلي نسمه
طايره في الهوا
بحسك بسمه اجمل بسمه
حلوه كلها هنا
بفرح لما اسمع
صوتك
. بحس بكيانك
بروحك
لانك قمري
في نجواكي
ناجيت النجوم خاصمت النوم
تسلمي وتسلم
عيونك
يحفظك ربي ليا كل يوم
يحفظك ربي
ويصونك
يااحلي غلا. بحبك انا
مش بخاطري
مش بامري
تعليقات
إرسال تعليق