(( قصيدة يا عرب)) بقلم محمود فوده
كلمات محمود فوده
قصيده يا عرب
بقالى كتير فى زمانى
بستنى عرب فرسانى
أشوفكم مره سدين
عيون الغدر عن عينا
وتحموا ولادكم وولانا
من الغدر ومالخاينين
ولما بنبقى ايد واحده
تلاقى العدو ما اتكلم
ولا بينظر علينا سنين
ولا يفكر فى يوم يغدر
مادام فى الشده ايد
واحده نكون واقفين
ولما العدل مات بينا
عيشنا فيها كما الضالين
نشوف سوريا بتدمر
وليبيا فينها وفلسطين
وايد تخرب ما بتعمر
وفين من يجمع الصفين
وشوفوا ولادنا بيموتوا
على ايدينا بغاز مسموم
لا شرع يحلل القاتل
ولا الظلم يعيش ويدوم
وأم بتصرخ من الحرقه
على ولادها إيه المرسوم
وعاش الأب متهدد على أرضه
ومالخوف يابت مهموم
باريس العرب عيشا
العمر تتأذى من الصهيون
يمن وسودان عراق وشيشان
تقول عالأمه ملايين
وأقول سعوديه دول خليجيه
وأقول فين تونس الخضرا
وفين بحرين
شباب الامه دى عيشا
وفيها رجال يا مصريين
يا أمى قومى مالضلمه
يزيح ربك الغمه بقوه ودين
نعيش العمر نتوحد بكلمة الله
ونحيى كتير من الملايين
وليه الامه دى راضيه
على الظلم كده وساكتين
ومن إمته ندوس على الحق
مع الظالم نكون واقفين
ومن إمته عرب ينداس
من خنزير ملوهش قرين
لعمرك شوفته يوم امن
يعيش خاين مع الخاينين
يا أمه وفيكى أولادك
بيتربوا بشرع ودين
ليه اخرتها بيموتوا
باءيد ملاعين
معدتش قادر أتكلم
خلاص سلمت وهسلم
وقلمى ما عاد بيتحرك
عشان يكتبلى وأكمل
وادى الصوره تشوفها
عن حال الامه بتعبر
دى حال الأمه بالمنظر
وأوعوا تقولوا متقدر
كأنى ما شوفت صهيوني
وارهابى بيدبحنى ولا هنصر
وام تتوه من الحسره
فى وسط الدم أنا هعزر
ولادنا بيموتوا قدامنا
ومين عالحال دا هيصبر
عجبكم حالنا ياعرب
ياريت من حالنا نتغير
كلمات /محمود فوده .......
تعليقات
إرسال تعليق