فنجان قهوة بقلم مصطفى سبتة جرب تضحك وقت عياطك جرب تشرب قهوة فى كاس حط مرايا بسرعة قصادك واسكت واسمع الانفاس وابدا اشرب كده فى القهوة واعمل فيها انك سكران واعمل فيها انك بتخرف وأنك لوحدك بتكون فرحان وإن حياتك ماشيه كويس وقلبك منك لسه سليم وان الدنيا ذكرت اسمك وعملت ليك اكبر تكريم وان الفوبيا راحت منك تنزل بحر تكون عويم وإن حبيبتك رجعت تاني وبقيت رتبه وليك تعظيم بس القهوه خلاص كده خلصت ارجع تاني وعيش ف الواقع عيش انسان من غير تقيم