القلب عنده توهان بقلم مصطفى سبتة القلب مني ياروحي تاية نازل نزيف من الصبح ولا حد عرف الفولة ياقلبي ولا حد مال علي الصبح هيفيد بأيه البوح. لو الفؤاد مدبوح ولو الكلام مسموح كنا نقول للصبح القلب عنده سيولة ونازل نزيف من الصبح مالك يا قلبي جريح وبتجري ضد الريح لو كنت مرة صريح وبين الصلاة تسابيح ولا عدش في تماسيح كان ليلك ينادي الصبح القلب عنده سيولة نازل نزيف من الصبح ماتكنش ليه جبار ساعة الكلام منشار تكوي الملاك بالنار تجرح ومالك زي ليه الألم بيطول ياروحي وتقاسي ليه علي طول خليك كمثل الغول في الرعب مالك زي يا قلوب كده ضعيفة ما تساوي تعريفة متشوفلي تصريفة. علشان ماأقولش الأي ومازلت بردو ياقلبي حي مبشفش حتي الضي شايف سواد علي طول وآدى النزيف بيطول والقلب عنده سيولة ونزيفه ليل وصبح ولا حد عرف الفولة ياقلبي ولا حد مال علي الصبح