*(( تسكت كتير))* بقلم الشاعر فريد محسن
ها تسكت كتير
حس بيه
لو تايه بص
في عنية
لو ضايع
إمسك إيديه
بس اتكلم
هو الكلام اللي
في عينك ده
صحيح طب
تعالى ما أنت
كل يوم بحاله
نفسي أعرف
أنت ايه
أنت خايف
ولا عارف
أني بدوب فيك
طب وماله
أيوه دايبه
بس عاقلة
نفسي أقولها
وبعدها أغمض
عنيه وانت حر
قلبك يحن
عايز تجرب
بوسة على الخد
مش عيب
بس أوعى
لشفايفي تقرب
ولا اقولك
تعالى وجرب
يمكن تقرر
انك خلاص
مش ها ترحل
مش ها تهرب
خدت ايه
من السفر
الفلوس......
طب ما أنا
هنا بموت سهر
وأنت هناك
في الحر والبرد
تحت المطر
امتى نعيش
لما يبقى
عمرنا ستين
ولا لما
يقتلنا الحنين
تتسرسب
حوالينا السنين
نسيت وعدكَ
راح فين عهدكَ
لما قلت
بكرا أحلى
فات سنة
ورا سنة
وأنت هناك
وأنا هنا....!!!
أقولك....سافر
وانا أموت
الف مرة
في اليوم
وأنت عيش
بفلوسك
في هَنا..!!!
بقلمي....فريد محسن
تعليقات
إرسال تعليق