قصيده بعنوان(( مفعول به)) للشاعر // تامر ابو هيبه
قصيده بعنوان (((مفعول به)))شعر \\ تامرابوهيبه
ياوطن مفعول به
ياوطن ومالكش فاعل
ياوطن مفعول لاجله
من سنين وبفعل فاعل
ياوطن مجرور تمللى
والعلامه كسر شامل
ياوطن مفعول به
ياوطن مفعول لاجله
اللى رافع واللى جازم
واللى ناصب ع اللى قبله
ياوطن مجرور كتير
اللى باعك واللى سارقك
واللى راشق فيك مشاكله
ياوطن مفعول لاجله
ياوطن إعرابه تايه
ياوطن اعرابه مايع
ياوطن تاهت ملامحه
وع الخريطه رسمه ضايع
ياوطن فيه حرف عله
راضى عيشتك ليه مزله
ياوطن مفعول به
ياوطن سلم سلاحه
بعد مااتكسر جناحه
ياوطن مقتول طموحه
ياوطن راضى بجروحه
انت عايش فى الحقيقه
ولا عمرك منتهى
ياوطن مفعول به
ياوطن مفعول به
شعر\\\ تامرابوهيبه شاعر مصرى
تعليقات
إرسال تعليق